آجر ان حقوق کو یقینی بناتا ہے جو ان کے اور عارضی ملازمت پر بھیجے گئے ملازم کے ما بین معاہدہ کے نتیجے میں پیدا ہوتے ہیں۔ مقامی لیبر انسپکٹریٹ سروسز (Labour Inspectorate Services) عارضی ملازمت پر بھیجے گئے کارکنان کے ذریعہ پوسٹنگ کی مدت کےدوران اور اس کے بعد دونوں ہی صورتوں میں صدارتی حکمنامے کے التزامات کی تعمیل سے متعلق جمع کردہ جملہ شکایات اور درخواستوں کا جائزہ لیتی ہیں اور موجودہ قانون کے تحت مقررہ کارروائیاں انجام دیتی ہیں۔
مجاز یونانی حکام کے ذریعہ ایک ہمہ گیر جائزے کے بعد اگر یہ طے پاتا ہے کہ کوئی انڈرٹیکنگ ملازم کی حالت کو گمراہ کن یا فریبی انداز میں اس حکمنامے کے دائرۂ عمل کے تحت بتاتی ہے تو ملازم کو قابل اطلاق قوانین اور معمولات کا فائدہ لازماً ملنا چاہیے۔
متعلقہ التزامات کے نفاذ کی نگرانی اور کنٹرول کی ذمہ داری مجاز لیبر انسپکٹریٹ سروسز کو دی جاتی ہے اور انہیں ضروری سمجھے جانے کے صورت میں درج ذیل کے ساتھ باہمی تعاون میں انجام دیا جاتا ہے:
(a) ڈائریکٹریٹ آف فنانشیل پولیس اور سائبر کرائم ڈویژن(Directorate of Financial Police and the Cyber Crime Division)؛
(b) ڈائریکٹریٹ جنرل آف دی فنانشیل اینڈ اکنامک کرائم یونٹ (Directorate General of the Financial and Economic Crime Unit, SDOE)؛
(c) ریجنل انشورنس انسپکشن سنٹرز (Regional Insurance Inspection Centres, PEKA) یا نیشنل سوشل سیکورٹی فنڈ (National Social Security Fund, EFKA) کی تفتیشی اکائیاں۔
لیبر انسپکٹریٹ میں حقوق کا استعمال
ملازموں کے پاس لیبر انسپکٹریٹ میں اپنے آجر کے خلاف راست شکایت درج کرانے کا اختیار ہے (یہاں دیکھیں) یا کسی لیبر تنازعہ کا دعوی قائم کرنے کا(یہاں دیکھیں)۔
لیبر انسپکٹریٹ چوبیسوں گھنٹے شکایات سے متعلق ہاٹ لائن 1555 آپریٹ کرتا ہے جو کہ ملازمت اور بیمہ سے وابستہ کسی بھی مسئلہ کے لیے فوری مدد فراہم کرتی ہے۔
متعلقہ التزامات کے نفاذ کی نگرانی اور کنٹرول، نیز میزبان رکن ریاست کے طور پر یونان کے اندر تفتیشات کو انجام دیتے وقت حقائق کی جانچ، ضروری سمجھے جانے کی صورت میں، ایکس آفیسیو اور اصل رکن ریاست کی کسی مجاز اتھارٹی کی درخواست پر اور ان کے باہمی تعاون سے انجام دی جا سکتی ہیں (اندرونی مارکیٹ انفارمیشن سسٹم – IMI کی معرفت)۔
موجودہ التزامات کے مطابق، متعلقہ ٹریڈ یونینز اور قانونی ادارےمعقول قانونی مفاد کے ساتھ عارضی ملازمت پر بھیجے گئے کارکنان کی طرف سے یا ان کی حمایت میں، ان کی منظوری کے تحت، صدارتی حکمناموں کے التزامات کو نافذ کرنے کے لیے انتظامی یا عدالتی کارروائیاں شروع کر سکتے ہیں۔ ملازم کی جانب سے مذکورہ بالا حقوق کا استعمال کرنے کی وجہ سے ان کے آجر کی طرف سے عارضی ملازمت پر بھیجے گئے کسی ملازم کے ساتھ منفی رویہ ممنوع ہے۔
ملازمت کے رشتے کو منضبط کرنے والے قانون سے قطع نظر، کوئی بھی شخص جسے یہ یقین ہو کہ انہیں متعلقہ التزامات کی عدم تعمیل کی وجہ سے ضرر پہنچا ہے، خواہ یہ ملازمت کا رشتہ منسوخ ہونے کے بعد ہو، انہیں عدالتی تحفظ کا حق حاصل ہے، نیز مجاز انتظامی اتھارٹیوں کے سامنے اپیل کرنے کا حق (وقت مقررہ کی پابندیوں اور اپیل کی میعاد کے قابل اطلاق قوانین سے مشروط)۔
